Vörulisti

Vörulistinn er eiginleiki sem er samþættur hvaða Odoo-forriti sem er þar sem hægt er að bæta vörum eða íhlutum við pöntun. Þetta á m.a. við í Birgðahaldi, Framleiðslu, Sölu, Innkaupum og Viðgerðum.

Hægt er að nálgast vörulistann af fyrsta flipa í tilboði, RfQ, pöntun eða BoM-eyðublaði, og opnast hann á nýrri síðu þegar hann er valinn. Listinn birtir vörur og íhluti í notendavænu sniði líku POS, þar sem hægt er að velja þau og bæta á eyðublöð.

Vörulistinn einfaldar gerð nýrra sölupantana (SO), innkaupapantana (PO), framleiðslupantana (MO), uppskrifta (BoM) o.fl., með sjónrænu viðmóti þar sem hægt er að velja vörur og íhluti fljótt.

Nota vörulista

Byrjaðu á að stofna eða opna tilboð, RfQ, pöntun eða BoM þar sem bæta á við vörum eða íhlutum. Dæmi: Farðu í Sala og smelltu á Nýtt til að búa til nýtt sölutilboð.

Á eyðublaðinu (tilboð, RfQ, pöntun, BoM) skaltu tryggja að fyrsti flipinn neðst sé valinn. Heiti hans getur verið Línur pöntunar, Íhlutir, Vörur eða Hlutar.

Á fyrstu auðu línu á flipanum, smelltu á tengilinn Vörulisti til að opna listann á nýrri síðu.

Vörulistinn sýnir spjald fyrir hverja vöru sem hefur verið skráð í Odoo. Hvert spjald birtir helstu upplýsingar um viðkomandi vöru:

• Mynd af vöru
• Heiti vöru
• Verð eða kostnaður vöru, eftir því hvort hún er keypt, seld eða notuð sem íhlutur
• Tilvísunarnúmer (t.d. DESK0005)
• Til á lager
• Afbrigðaeiginleikar (t.d. Litur: Hvítur)

Hægt er að sía vörur með leitarstikunni efst á síðunni eða hliðarstikunni vinstra megin.

Til að sía eftir vörutegund, smelltu á niðurörshnappann hægra megin við leitarstikuna til að opna leitarvalmyndina. Í hlutanum Síur velurðu Þjónusta til að sýna eingöngu þjónustuvörur, eða Vörur til að sýna eingöngu efnislegar vörur.

Þegar verið er að stofna eða stilla tilboð eða SO birtist sían Í pöntuninni í hlutanum Síur. Veldu hana til að sýna aðeins vörur sem þegar hafa verið settar á eyðublaðið.

Í hliðarstikunni vinstra megin á síðunni má velja í hlutanum VÖRUFLOKKUR til að sía eftir vöruflokki, eða í hlutanum EIGINLEIKAR til að sía eftir afbrigðaeiginleikum.

Til að bæta vöru við, smelltu á spjald viðkomandi vöru, eða á hnappinn Bæta við neðst til hægri á spjaldinu. Það bætir einni einingu af vörunni og birtist hún í reit neðst til vinstri á spjaldinu.

Eftir að vara hefur verið bætt við heldur áfram að bætast við ein eining í hvert sinn sem smellt er á vöruspjaldið.

Til að stilla magnið skaltu smella á hnappinn mínus til að minnka um eina einingu, eða plús til að auka um eina.

Einnig er hægt að slá inn ákveðið magn með því að velja reitinn á milli mínus- og plúshnappsins og slá inn óskað magn.

Til að fjarlægja vöru alfarið úr pöntun eða BoM, smelltu annað hvort á hnappinn Fjarlægja neðst til hægri á vöruspjaldinu, eða á mínus þar til magnið er komið í núll.

Þegar æskilegu magni af hverri vöru hefur verið bætt við skaltu fara aftur á eyðublaðið með því að smella á hnappinn Til baka í [X] efst á skjánum. Heiti hnappsins fer eftir því hvaða eyðublað er verið að vinna með (tilboð, BoM o.s.frv.).